Ma`ruza matnida biologik to’qimalarning mexanik xossalari; elastiklik kuchlari; deformatsiya va eformatsiya turlari; mexanik kuchlanish; elastik, yopishqoq va elastik - yopishqoq jismlar uchun Guk qonuni haqida ma`lumotlar berilgan. Jismga kuch ta`sir ettirilganda uning shakli yoki hajmi o’zgarishiga deformatsiya deyiladi. Deformatsiya tufayli jism zarralari orasidagi masofa o’zgaradi va Nyutonning 3 - qonuniga asosan deformatsiya kuchiga qarama-qarshi va kattaligi jihatidan unga teng bo’lgan kuchlar yuzaga keladi. Ular elastiklik kuchlari deyiladi va elektr tabiatiga ega bo’ladi. Agar kuch ta`siri to’xtatilgandan keyin jism hajmi va shakli o’z holatiga to’liq qaytsa, bunday deformatsiya elastik deformatsiya, jism esa elastik jism deyiladi. Mexanik kuchlanish deb, deformatsiyalovchi kuchning ko’ndalang kesim yuziga bo’lgan nisbatiga aytiladi.