Біз жоғарыда сөздің екі жағы болады дедік. Сөздің бойындағы әртүрлі мағыналардың табиғаты бірдей емес. Тарихи тұрғыдан алып қарағанда сөз мағыналары негізгі мағына және туынды мағына деп екі түрге бөлінеді. Мысалы: ер деген сөздің мынадай үш түрлі мағыналық ерекшеліктері бар: 1.Еркек деген мағынада қолданылады. Бұл осы сөздің, негізгі бастапқы мағынасы болып табылады. 2.Күйеу мағынасы. 3.Батыл, батыр деген мағыналары даму барысында кейіннен пайда болған туынды мағыналары. Сондай-ақ сөз мағыналарын тура және келтірінді мағына деп екі топқа бөлуге болады. Мысалы: қараңғы сөздің тура мағынасы еш нәрсені көруге болмайды деген мағына, ал келтірінді мағынасы оқымаған, сауатсыз дегендерді білдіреді.