Tuproq unumdorlik kategoriyalari tuproq unumdorligini oshirish yo’llari

Tuproq unumdorligi deganda-tuproqning o’simliklarini o’sishi va rivojlanishi uchun zarur suv, oziq element va shuningdek, boshqa barcha shart-sharoitlar bilan ta’min eta olish qobilyatiga aytiladi. Tuproq unumdorligi nisbiy tushuncha bo’lib, unumdorlik nafaqat tuproq xossalariga, balki, o’stiriladigan ekinlar turiga ham bog’liq. Muayyan bir tuproq alohida o’simliklar uchun unumdor hisoblanadi. Chunki har bir xil o’simliklarning tuproq unumdorligiga bo’lgan talabi bir xil emas. Tuproq unumdorlikning shakllanishi bilan bir qatorda o’simliklar uchun zarur omillar va shart-sharoitlar yuzaga keladi. Tuproqning barcha fizikaviy, biologik, kimyoviy xossalari, tarkiblari va rejimlari shular jumlasiga kiradi.