Ўзбекистон мустақил тараққиёт йўлига ўтгандан кейин мамлакатимизда юз бераётган улкан сиёсий ва ижтимоий-иқтисодий жараёнларни атрофлича ўрганиш ва таҳлил қилишга, халқимиз маънавиятини янада бойитишга, миллий ўзликни англашга, истиқлол мафкурасини яратиш ва уни жамият аъзолари онгига чуқур сингдиришга эътибор кучайди. Бу вазифаларни амалга оширишда Ватан тарихининг аҳамияти катта бўлиб, уни чуқур ва ҳаққоний ўрганиш давлат сиёсати даражасига кўтарилди. «Ким бўлишидан қатъий назар,-деб ёзган эди президент И.Каримов,-жамиятнинг ҳар бир аъзоси ўз ўтмишини яхши билса, бундай одамларни йўлдан уриш, ҳар хил ақидалар таъсирига олиш мумкин эмас. Тарих сабоқлари инсонни хушёрликка ўргатади, иродасини мустаҳкамлайда».