Барг битлари кўчатзорлардаги ниҳоллар ва боғлардаги ёш дарахтларга куп зарар етказади. Улар барг ва новдалар ўсув нуқтасидаги ширани сўриб озиқланади. Натижада япроклар қовжираб, шаклини йўқотади ва муддатидан олдин тўкилиб кетади. Ўсув нуқтаси шикастланган новдалар ривожланишдан тўхтайди. Баъзи барг битлари бегона ўтларда ҳам ҳаёт кечиради. Олма битлари, айниқса, бахорда кўпаяди. Ёз чилласида анча камайиб, кузга бориб яна кўпаяди.