Ҳидли ёғоч ўймакори (Cossus сossus L.) мевали дарахтлардан нок дарахтига кўп зарар етказади. Пўстлоқ остида ва дарахт танаси ичида озиқланади. Кучли даражада тешиб ташланган дарахт танаси ёки айримшохлари қуриб қолади. Ҳидли ёғоч ўймакорининг урғочиси – йирик капалак (қанотини ёзганда 65-90 мм). Тухуми овал, оч жигарранг, бўйлама қора йўлакли, қуртининг узунлиги 80-100 мм, ғумбаги 30 мм, тўқ қўнғир, пиллада жойлашади.