"Didaktik o’yinli texnologiyalar o’quvchilarning bilim olish faoliyatini o’yin faoliyati bilan qo’shib olib borishdan iborat. Didaktik o’yinlar musobaqa, raqobat, o’zaro yordam, hamkorlik tarzida olib boriladi. Didaktik o’yin darslari ta’lim va tarbiya berish, o’quvchilar, jumladan talabalar ijodiy faoliyatini yo’naltirish, kasbga yo’naltirish, o’quvchilarning o’zaro muloqot va nutq madaniyatini rivojlantirish, ular bilimlarini chuqurlashtirish va shaxsini rivojlantirish vazifasini bajaradi.
Tadqiqot maqsadi zoologiyadan didaktik o’yinli tеxnologiyalarni o`quv jarayonida tadbiq etish orqali talabalarning mustaqil bilim olishini faollashtirish va kasbiy tayyorgarligini oshirishdan iborat. Bitiruv malakaviy ishda qo’yidagi vazifalar bеlgilab olindi:
-zoologiyadan Davlat ta`lim standartlari, o’quv dasturlari, darslik va qo’llanmalar, o’qitish vositalari va tеxnologiyalarni tahlil qilish;
- asosiy mavzular bo’yicha didaktik o’yinli tеxnologiyalar ssеnariylarini ishlab chiqish;
- ishlab chiqilgan ssenariylarni talabalar orasida sinovdan o’tkazish.
Zoologiyadan ayrim mavzularni o`qitishni didaktik o`yinli texnologiyalar asosida tashkil etilishi bo`lg`usi pedagoglarning fanlarni o`zlashtirishini yaxshilashga, ular bilimini chuqurlashtirish va kasbiy tayyorgarlagini oshirishga katta imkon yaratadi. "