Қадим замонлардаёқ, темир қуролларга ўтилгач, одамларнинг турмуш тарзи, фаровонлиги, ўз маънавий ва моддий эҳтиёжларини қондириш имкониятлари ўртасида фарқ кучайиб, ижтимоий табақалашув юз бериши жараёнида уларнинг ўзига хос маданиятлари вужудга келди. Бунда мулкий табақаланиш билан бирга ақлий меҳнатнинг жисмоний меҳнатдан ажралиб чиқиши катта роль ўйнади.