Hozirgi vaqtda tayyor dori vositalarini ishlab chiqish ko’p yillik izlanishlar bilan bog’liq bo’lib, ular biofaol modda sintezidan tayyor dori turini ishlab chiqarilishigacha bo’lgan tadqiqotlardan iborat. Bunda mo’tadil dori turini yaratish texnologiyasi, farmakologik, biofarmatsevtik va klinik tadqiqotlar alohida ahamiyat kasb etadi. Dori turini yaratishni o’zi yordamchi moddalar turi va miqdorini tanlash, texnologik uslublar, mo’tadil ishlab chiqarish sharoitlarini belgilash, dori shaklining turg’unligini o’rganish, saqlanish muddatini belgilash, kabi masalalarni hal qilinishini talab qiladi.