To`qimachilik sanoati O`zbekiston uchun muhim ahamiyatga ega. Hozirda mamlakatimiz eksportining 30% ga yaqinini tolali xom-ashyo va to`qimachilik mahsulotlari tashkil qiladi. Paxta tolasini Respublikamiz to`qimachilik sanoatida qayta ishlashni kengaytirish, yangi ishchi joylarini joriy etishga hissa qo`shish bilan birga, korxonalarimizda tayyor mahsulot ishlab chiqarib, jahon va ichki bozorga taqdim etish imkonini kengaytiradi. Bu vazifani hal qilish davomida yangi qo`shma korxonalarning ko`payishi, hozirgi zamon texnika va texnologiyalarining kirib kelishi esa Respublika sanoati salohiyatini oshiradi va aholini, ayniqsa yoshlarni ish bilan ta`minlabgina qolmay, ularni texnik madaniyatini oshirishga ham xizmat qiladi.