Rivojlanish - obyektiv, dialektik jarayon bo`lib, bir sifatdan boshqa sifatga o`tish natijasida yuz beradigan o`zgarishlar tufayli ro`y beradi. Dunyodagi har bir predmet, hodisa doimiy harakatdadir. Shuningdek, til ham hamisha o`zgarishda. Bu esa til bevosita bog`liq bo`lgan jamiyat hayoti, uning doimiy harakati, rivojlanishi bilan bog`liq. Jamiyat bu harakatdan to`xtasa yoki bu aloqa uzilsa, o`sha zahoti til ham rivojlanishdan to`xtaydi.