Мазкур маъруза матнлар тўплами алгебра ва сонлар назариясидан педагогика университетлари бакалавриат йўналиши бўйича «Математика ва информатика» бўлимида тахсил оладиган талабалар учун ёзилган бўлиб, унда 36 соатга мўлжаллаб 18 та маъруза баён этилган. Бу маърузалар бўлажак бакалаврнинг математика бўйича маданиятини шакллантиришга қаратилган бўлиб, унда математик мантиқ элементлари, тўпламлар ва муносабатлар, тўплам тушунчасига кўра алгебра ҳамда алгебраик системалар кенг ёритилган. Бундан ташқари мактаб математика курсида ўрганиладиган ҳақиқий сонлар тўплами тушунчаси кенгайтирилиб, комплекс сонлар майдони тушунчаси киритилган.
Айрим матнларда теоремалар, хоссалар, натижаларнинг исботлари келтирилмаган ҳоллар ҳам учрайди. Лекин уларнинг исботларини талаба қаердан ўрганиши учун кўрсатма берилган. Кўплаб тушунчалар мисоллар ёрдамида ёритиб берилган.
Тўпламда талабаларнинг мустақил таълим мавзуларини ўрганинишлари учун кўпгина матнларнинг батафсил ёзилишига эътибор берилган.