Yong’indan xabar berish va aloqa tizimlarida elektr-magnit maydonlaridan himoyalanish usullarining solishtirma qarshiligi

Yong’inni oldini olish va uning dahshatli asoratini kamaytirishda bosh omil sifatida darakchi uskunalar va tezkor aloqa vositalari xizmat qiladi. Yong’inni oldini olish maqsadida, uning kelib chiqish jarayonlarini nazorat qilishni passiv va aktiv usullarga bo’lish mumkin. Yong’in darakchilari yong’in o’chog’ini boshlanish jarayonida aniqlash, uning sodir bo’lgan vaqti va joyini xabar qilish uchun hamda zarur bo’lganda tutun so’rg’ich yoki o’tni o’chiruvchi uskunalarni ishlashini avtomatik tarzda boshqarish uchun xizmat qiladi. Yong’in darakchilari tizimi asosan yong’inni dastlabki belgilari bo’lmish tutun, yorug’lik yoki u erdagi haroratni elektr xabarlariga aylantira oladigan xabarchi moslamalardan iborat bo’ladi. Bu xabarchi moslamalar aloqa tarmog’iga ulangan bo’lib, qabul punktiga o’ziga xos tovush yoki yorug’lik signallari orqali darak beradi hamda avtomatik o’t o’chirish va tutun haydash uskunalarini zudlik bilan ishga tushirishni ta’minlaydi.