Prezidentimiz Islom Karimovning 2011-yil 16-fevralda qabul qilingan “Og`ir yuk ko`taradigan avtomototransport vositalarini ishlab chiqarishni kelgusida rivojlantirish bo`yicha chora-tadbirlar to`g`risida”gi qaroriga muvofiq, O`zbekistonda og`ir yuk ko`taradigan MAN avtomobillarini ishlab chiqarish va ularga xizmat ko`rsatish kompleksi qurilishiga asos solindi.
MAN yuk mashinalarining qudratini avtomobil va temir yo`llarni qurish hamda rekonstruksiya qilish, shaharlararo yuk tashishda ko`rish mumkin. Ulardan “O`zavtoyo`l” davlat aksiyadorlik kompaniyasi, GM Uzbekistan, “Maxsustrans” davlat unitar korxonasi, Farg`ona neftni qayta ishlash zavodi, “O`zbekiston temir yo`llari” davlat aksiyadorlik kompaniyasi, “Angren” logistika markazi, Qishloq va suv xo`jaligi vazirligi, “O`zdonmahsulot” ochiq aksiyadorlik jamiyati, “12-trest” qurilish kompaniyasi, “Bekobodsement” ochiq aksiyadorlik jamiyati, Navoiy hamda Olmaliq kon-metallurgiya kombinatlari va boshqa ko`plab korxonalar, jumladan, xususiy kompaniyalar samarali foydalanmoqda.