Мазкур ўқув қўлланма актёрлик санъати ва режиссёрлик магистратура мутахассисликларида ўқитиладиган “Мутахассислик фанларини ўқитиш методикаси” фанидан тайёрланган бўлиб, магистрантларнинг актёрлик ҳамда режиссёрлик касбига оид билим, кўникма ва малакаларни эгаллашида катта аҳамият касб этади. Бўлажак актёрларга роль устида ишлаш жараёнида ички ва ташқи характер яратишни, сўз ҳаракати ва сўз таъсирчанлигига эришишни, катта саҳнада табиий ҳаракат қилиб ижод қилишни ўргатади.