Jamiyatning izchil rivojlanishini axborot texnologiyalarisiz tasavvur etib bo`lmaydi. O`zbekiston Respublikasi Prezidentining 2002 yil PF - 3080 - sonli “Kompyuterlashtirishni yanada rivojlantirish va axborot kommunikasiya tizimlarini joriy etish to`g`risidagi” farmoni buning isbotidir. Shu boisdan axborotlashtirishning milliy tizimini yaratish, iqtisodiyot va jamiyat hayotining barcha sohalarida zamonaviy axborot texnologiyalarini, kompyuter texnikasi va telekommunikasiya vositalarini ommaviy ravishda joriy etish, hamda ulardan foydalanish, fuqorolarning axborotga ortib borayotgan talab-ehtiyojlarini yanada to`laroq qondirish, jahon axborot jamiyatiga kirish, hamda jahon axborot resurslaridan bahramand bo`lishni kengaytirish uchun qulay shart - sharoitlar yaratilib kelinmoqda.