Mustaqil Respublika xalq ta’limi o`ziga xos rivojlanish davrini boshdan kechirmoqda. Bu o`ziga xoslik eng avvalo ta’lim – tarbiya mazmunini milliylashtirish, ya’ni o`zimizning juda boy o`tmish tariximiz, madaniyatimiz, fanimiz, tilimiz o`z mohiyati bilan juda chiroyli, yuksak insoniy, axloqiy mazmunga ega bo`lgan milliy – urf odatlarimiz asosida jamiyatimiz kelajagi bo`lgan yosh avlodni o`qitish baxtiga muyassar bo`ldik. Bu narsa hammamizning qalbimizda yuksak g`urur hislarni to`lqinlantiradi. Mana shu sharoitda hammamizdan juda katta ko`tarinkilik bilan jamiyatimizning yosh avlodini yuksak vatanparvarlik, xalqparvarlik, milliy g`urur ruhida tarbiyalashimizni taqazo qiladi. Yuksak axloqiy sifatlarni tarbiyalash, eng avvalo, o`zimizda bu sifatlarni mujassamlashtirishni talab qiladi.