O`rta asr san`ati taraqqiyotining dastlabki bosqichi ilk feodalizm davriga to`g`ri keladi. Bu yerda feodal munosabatlar yangi eraning I asrlaridan boshlanib, IV-VI asrlarda mustahkamlanib, XIX asrgacha davom etdi. Xitoy san`at va madaniyatining dastlabki yuksaklikka erishishi IV-VI asrlarga to`g`ri keladi. IV asrdan boshlab, buddaviylikning Xitoyga kirib kelishi ham, bevosita me`morlik va haykaltaroshlik san`ati turlarining kengayishi yangi janrlarning paydo bo`lishiga sabab bo`ldi. G`orlarga monastirlar ishlash, yog`ochdan hashamatli ibodatxonalar qurish, buddizm avliyolari va xojilarga atab o`z xarakteri va mazmuni jihatdan hind stupalariga o`xshash pagoda (ibodatxona)lar qurish keng yoyila boshladi (Yungan, Mayszishan, Syanfodun, Lunmin monastir va ibodatxonalari).