Республикамиз ижтимоий-иқтисодий ва сиёсий ривожланишининг хозирги босқичида бозор муносабатлари тўла хукмрон бўлган, бозор иқтисодиёти қонунлари ва талаблари тўла амал қилинаётган ёки иқтисодиётни бошқаришнинг тўла иқтисодий, демократик усуллари ёки тўлиқ маъмурий буйруқбозлик усуллари қўлланилмоқда деб бўлмайди. Бундай ўтиш шароитида солиқлар воситасида иқтисодий жараёнларни тартиблаш тизимини тўғри ташкил эта олиш бозорнинг иқтисодий талабларига мослашишда, уларнинг босқичма-босқич хукумронлигини таъминлашда муҳим аҳамият касб этади.