"Бошқариладиган структурага эга нанокомпозитларнинг янги авлодини яратиш билан юқори самарадор сорбцион материалларни, катализаторларни, фильтрлар ва бошқа конструкцион матрицалардан янги материалларни олиш имконини беради. Бундай материалларга мисол тариқасида полимер-кремнезем гибридлар хизмат қилиши мумкин. Бундай материаллар хромотографиянинг турли кўринишларида, гемо ва энтеросорбентлар, катализаторлар, биосенсорлар, оптик материаллар, мембраналар, плёнкалар учун сорбентлар сифатида ишлатилиши мумкин . Уларни синтез қилиш учун золь-гель жараён универсал усул ҳисобланади, унинг ичига бир вақтнинг ўзида гидролиз ва кремний алкоксидларини полимерланадиган бирикмалар ёки полимер эритмалар иштирокида конденсатланиш реакциялари киради. Улар нанокомпозицион материалларга хос бўлган хоссали органик ва ноорганик полимерларнинг структураси ва хоссаларига эга бўлиши мумкин. Шу муносабат билан сўнгги йилларда бундай материалларни синтез қилиш муаммоларига катта қизиқиш пайдо бўлмоқда.
"