Ҳозирги кунда барча фанларни ўқитиш мақсади ва мазмунида янгиланиш рўй бермоқда. Бунга сабаб, илм-фан ва техника шиддат билан ривожланишидир. Ушбу ривожланиш органик кимёдаги янгиликларда ҳам ўз аксини топиб бормоқда. Бугунги кунда қишлоқ хўжалиги ва медицина соҳасининг биологик фаол моддаларга бўлган эҳтиёжи кундан - кунга ошмоқда. Мамлакатимизнинг биологик фаол моддаларга бўлган эҳтиёжини тўлдириш, ҳамда импорт ўрнини босувчи янги бирикмаларни синтез қилиш ва амалиётга тадбиқ қилиш кимёгарлар олдида турган долзарб вазифалардан биридир. Хиназолин-4 ва унинг гомологлари турли хил биологик фаоликларни намоён қилади. Улар гербицид, фунгицид инсектицид ва фармокологик (антиаритмик, ракка қарши ва бошқа) хусусиятларга эга.