G’o’zani so’ruvchi zararkunandalariga qarshi kurash choralari

Entomologiya 18 asrda jamiyat va ilm taraqqiyoti natijasida zoologiya fanidan mustaqil bo’lib ajralib chiqdi, keyinchalik o’z navbatida bir qator kenja amaliy fanlarga bo’linib ketdi. Bular jumlasiga umumiy entomologiya, qishloq xo’jaligi entomologiyasi,o’rmon tibbiyot va vetenariya entomologiyasi kiradi. Asalarichilik va ipakchilik entomologiyaning amaliy tarmog’I xisoblanadi. Qishloq xo’jaligi entomologiyasi agronomik fan bo’lib u qishloq xo’jalik ekinlariga zarar yetkazadigan xashorotlarni o’rganadi, o’simliklarning shikastlanishiganisbat bo’lgan munosabatini va kurash usullarini ishlab chiqadi. Qishloq xo’jalik entomologiyasining asosiy vazifasi – o’simliklarga xashorotlar tomonidan yetkaziladigan zararni kamaytirish yoki oldini olish. Ma’lumotlarga ko’ra yiliga butun dunyoda o’stirilayotgan o’simliklar xosilining 35 % nobud bo’ladi, uning 14 % zararli xashorotlar ulushiga to’g’ri keladi. Bundan tashqari 20 % xosil tashish va omborlarda saqlash paytida nobud bo’ladi. Bizning mamlakatimizda xam qishloq xo’jalik ekinlariga turli zararkunandalar zarar yetkazishi mumkin. Ildiz kesar tunlamlar, chigirtkalar, shiralar , o’rgimchakana, ko’sak qurti, oma mevaxo’ri va boshqalar shular jumlasidandir. Bundan tashqari keying yillar mobaynida boshqa turdagi zararkunadalar ( oldin axamiyati past yoki uuman bo’lmagan karantin obektlari ) tez rivojlanib zarari ortib bormoqda. Bularga kolorado qo’ng’zi, anor mevaxo’ri, qovun pashshasi, tut parvonasi va kiritish mumkin.