Маълумки, ҳозирги бозор иқтисодиёти шароитида мамлакатимизда ер ресурсларидан, жумладан, суғориладиган ва лалми ерлардан оқилона ва самарали фойдаланиш ҳамда уларни муҳофаза қилиш шу куннинг энг долзарб масаласидир. Суғориб деҳқончилик қилинадиган ҳудуд ерлари ҳозирги кунда қишлоқ хўжалик маҳсулотларини етиштиришда асосий манбаа бўлиб қолмоқда. Аммо аҳоли сонининг тез ўсиши туфайли тоғ ва тоғ олди ҳудудларидаги ерлардан ҳам фойдаланиш аҳамияти тобора ошиб бормоқда. Шу сабабли лалми ҳудуд тупроқларининг хусусиятларини ўрганиш бугунги куннинг энг долзарб вазифалари қаторига киради. Лалми ерлар асосан тоғ ва тоғ олди, тоғ ёнбағирларида жойлашган бўлиб, бу ерларда қишлоқ хўжалик экинларидан ҳосил етиштириш асосан атмосферадан тушадиган ёғинларга ва тупроқлар унумдорлигига боғлиқдир.