Jamiyat taraqqiyoti va davlatning rivojlanishida, ayniqsa uning dunyoga dong taratishida sportning o’rni beqiyosdir. Bugungi kunda mamlakatimizda jismoniy tarbiya va sportga katta etibor qaratilmoqda. Ayniqsa yoshlar sportiga etibor juda yuqori darajada. Bu borada “Yosh avlodni sog’lomlashtirish muammolarini har tomonlama hal qilish to’g’risida”, “O’zbekistonda bolalar sportini rivojlantirish jamg’armasining faoliyatini tashkil etish to’g’risida”, “O’quvchi va yoshlarni sportga jalb qilishga qaratilgan uzluksiz sport musoboqalari tizimini tashkil etish to’g’risida” va boshqa ko’plab farmonlar, qarorlar qabul qilindi.