Hozirgi zamon texnika taraqqiyoti davrida qurilishda shovqinga qarshi kurash masalalari muhim yechim talab muammolar qatoriga kiradi. Shovqinning oqibatlari ma’lum. U birinchi navbatda mehnat qilayotgan kishilarni ma’naviy toliqtiradi hamda aholining tinch farovon hayot kechirishida ko`plab noqulayliklarni keltirib chiqaradi. Katta shovqin ta’sirida insonning asab tizimlari charchab, eshitish faoliyati susayib ketadi. Shuning uchun ham qurilishda shovqinni kamaytirish chora-tadbirlarini belgilash inson salomatligini saqlashdek juda muhim ijtimoiy ahamiyatga molikdir.Yong`inlar xalq xo`jaligining hamma tarmoqlari, qishloq xo`jaligi va turar joylarda yuz berishi mumkin bo`lgan yetkazadigan zarari jihatdan tabiiy ofatlarga tenglashishi mumkin bo`lgan hodisa hisoblanadi. Yong`inlar katta moddiy zarar keltirishi bilan birga, og`ir baxtsiz xodisalar, zaharlanish, kuyishi natijasida kishilar hayotini olib ketgan hollar ko`plab uchraydi.Shuning uchun ham yong`inga qarshi kurash barcha fuqarolarning umumiy burchi hisoblanadi va bu ishlar davlat miqyosida amalga oshiriladi.