Yapon va koreys xalqi asrlar davomida shakllanib, katta bunyodkor kuchga aylangan о`ziga xos milliy ma’naviyati hisobidan ham rivojlangani bugungi kunda hech kimga sir emas. Shuning uchun «yapon mо`jizasi» yoki «koreys mо`jizasi» haqida gap ketganda, taniqli ekspert va mutaxassislar ham birinchi galda «yapon xarakteri», «koreys tabiati» degan iboralarni tilga oladi. Tabiiyki, ular bu о`rinda avvalo mazkur xalqlarga mansub ma’naviy fazilatlarni nazarda tutadi. YA’ni, bu xalqlarning ichki dunyosi va irodasi ma’naviyat negizida yanada toblangan, kamolga yetgan.