Қишлоқ хўжалиги соҳасида ҳал қилувчи кучга айланиб бораётган фермерликни ривожланиши ўз натижаларини бермоқда. Бугунги кунда республикадаги 66 минг 134 нафар фермер хўжалигининг 54 фоизи пахтачилик ва ғаллачилик йўналишида, 26 фоизи мевачилик ва узумчилик, 8 фоизи чорвачилик, 12 фоизи эса сабзавотчилик ва бошқа йўналишларда фаолият юритмоқда. Шулардан 18 мингдан зиёди кўп тармоқли фермер хўжаликлари қишлоқ хўжалиги маҳсулотларини етиштириш билан бирга, уларни қайта ишлаш ва қишлоқ аҳолисига хизмат кўрсатиш каби йўналишларда самарали фаолият кўрсатмоқда.