Мева маҳсулотлари етиштириш, уларни саноат усулида қайта ишлаш ва якуний истеъмолчиларга етказиб бериш бўйича хорижий мамлакатлар тажрибасини ўрганиш жуда муҳим йўналиш ҳисобланади. Кўплаб хорижий мамлакатлар, масалан, Голландия, Италия, Франция ва бошқа мамлакатлар энг янги илмий ютуқлар ва нанотехнологиялардан фойдаланиш асосида мева-узум ва сабзавот маҳсулотлари бозорини ташкил этиш бўйича бой тажриба тўплаган. Республикамизга хос бўлган хусусиятларни ҳисобга олган ҳолда бу тажрибаларни кенг амалиётга жорий қилиш замонавий технологик асосларда мева маҳсулотлари ишлаб чиқаришни янгилаш жараёнини тезлаштиради.