Шоли етиштиришни ривожлантириш асосан майдон бирлигидан олинадиган ҳосилни ошириш ҳисобига бўлмоғи керак, бунга эса шу соҳада тўпланган илмий-амалий потенциал, яъни ердан, сувдан, навлардан оқилона фойдаланиш, меҳнатда шартнома муносабатларини тенг ва ўзаро манфаатдорлик асосларида тузиш сингари жуда кўп омиллар орқали эришилади. Шоли ер юзи аҳолиси учун қадимий ва қимматбаҳо экин турларидан бўлиб, шароит тақозоси билан турли усулларда экиб етиштирилади.