Органик ўғитлар экинлар ҳосилини оширишда муҳим аҳамиятга эга. Академик Д.Н. Прянишниковни1941-1945 йилларда собиқ иттифоқ ҳудудидаги гўнгларни ҳисоблаб, улар таркибидаги азот миқдори дунё бўйича ишланадиган азот миқдорига тенг келишини (2,5 миллион тонна) аниқлади. Тупроққа органик ўғит солинганда тупроқнинг физикавий хоссалари яхшиланади, сингдириш хусусияти ортади ва тупроқнинг буферлик хоссаси яхшиланади. Органик ўғитлар тупроқдаги микроорганизмлар ҳаёт фаолиятини яхшилайди, яъни тупроқ таркибида карбонат ва бошқа органик кислоталар миқдори ортади. Минерал озиқланиш процесслари яхшиланади. Тупроққа солинган органик ўғит тупроқда ҳаво алмашиниш процессини ўзгартиради ва ўсимликларда фотосинтез процесси нормал ўтади.