Ўзбекистон қишлоқ хўжалигида иқтисодий ислоҳотларни чуқурлаштириш
эвазига аҳолини озиқ-овқат маҳсулотларига, саноатни эса хом ашёга нисбатан
ўсиб бораётган талабларини қондириш турли мулкчилик шаклидаги
хўжаликларнинг долзарб вазифасидир. Жумладан, қишлоқ хўжалик ишлаб
чиқариши ва чорва маҳсулотлари етиштириш фермер хўжаликлари ихтиёрига
ўтиши натижасида ислоҳотлар жадал тусда давом этмоқда(И.А.Каримов,2010).
Беда серҳосил, оқсилга бой, таркибида ҳайвонларга керакли деярли ҳамма
витаминлар мавжуд чорвачилик учун асосий озуқа ҳисобланган ҳамда алмашлаб
экишда ер структурасини яхшилайдиган ва ўзидан кейин экинлар ҳосилдорлигини
оширадиган манбадир.