Илмий-тадқиқот ишлари олиб борилган Ўзбекистон Пахтачилик илмий-тадқиқот институтининг марказий тажриба участкаси Тошкент вилояти Қибрай туманида Чирчиқ дарёсидан7-8 км узоқликда, Бўз-сув каналининг ўнг қирғоғида, Тошкент шаҳрининг шимолий шарқий қисмида жойлашган. Тошкент вилояти эскидан суғориб деҳқончилик қилинадиган воҳалардан бўлиб, бу ҳудудга Ўзбекистоннинг Чирчиқ дарёси эгаллаган майдон, Оҳангарон ва Сирдарёнинг Қозоғистондаги ўнг ирмоғи кириб, Тошкент тоғ олди оралиғини эгаллайди ва шарқ томондан тоғлар билан чегараланган. Тошкент вилоятининг жойлашиш ўрни Қаржантов, Чотқол, Қурама тоғ тизмалари ёнбағирларини эгаллаган бўлиб, учта мустақил суғориш тармоқларидан: Чирчиқ, Оҳангарон ва Келес дарёларининг ҳавзаларидан ташкил топган. Кўп йиллик сув оқими268 м3/с ни ташкил этиб, унинг кўпчилик(82%)қисми Чирчиқ дарёсига тўғри келади.