Ushbu bitiruv malakaviy ishida o`simlik moddalarining kimyoviy tuzilishi va biologik faolligini o`rganish zamonaviy samarali dorivor vositalarning yaratilishi va tibbiyot amaliyotiga tadbiq etishga asos bo`ladi. Ko`pchilik sintetik dorivor vositalar hamda antibyotiklarning uzoq vaqt qo`llanilishi kishilarda immunitetning pasayishiga, allergiyaga hamda organizmdagi mikrofloraning buzilishiga olib kelishi mumkin. Bugungi kunda turli kasalliklarni davolashda qo`llaniluvchi o`simlik moddalaridan tayyorlangan tabiiy dorivor vositalarning o`ziga xos jihati shundaki, ular, sintetik vositalardan farqli o`laroq, organizmga salbiy ta`sir ko`rsatmaydi.