Диссертация мавзусининг долзарблиги ва зарурияти. Замонавий техника, машина ва механизмлар, шу жумладан пахта саноатида қўлланиладиган технологик жиҳозлар талаб қилинган ишчанлик ва эксплуатацион ишончлиликка эга бўлиши керак. Шу боис пахтани қайта ишлаш технологик жиҳозларининг эксплуатацион ишончлилигини таъминлашда уларнинг конструкцияларини такомиллаштириш билан бир қаторда юқори самарали янги композит полимер материалларни мақсадли қўллаш ечими кутилаѐтган долзарб инновацион илмий-техник муаммолар жумласидан ҳисобланади.