O`zbekiston Respublikasida ro`y berayotgan inqilobiy o`zgarishlar jarayoni va iqtisodiy inqiroz sharoitida oliy ta’lim va o`rta maxsus bilim yurtlarida iqtisodiy fanlarni o`qitish metodi va uni isloh qilish, barkamol avlodni iqtisodiy tarbiyalash, «Kadrlar tayyorlash Milliy dasturi» Qonuni bo`yicha o`rgatish iqtisodiy tarbiya masalalariga yangicha yondashishni zamon talabi taqozo etadi. Yosh avlodning garmonik rivojlanishi va dunyoqarashini shakllantirishda, ijtimoiy hayotning negizi bo`lgan iqtisodiy jarayonlarni, uning shakl va mazmuniy o`zgarishlarini, mamlakatimizdagi resurslardan samarali foydalanib, milliy boyligimizni ko`paytirish yo`l-yo`riqlari ruhida tarbiyalash alohida ahamiyat kasb etadi.