Davlatimiz ta’lim tizimida umumta’lim bosqichi barkamol avlodning shakllanishida o`ziga xos o`ringa ega. Bu bosqichda maktab o`quvchilari, nafaqat ta’lim va tarbiya olish, balki kelajakda egallashi mumkin bo`lgan kasblar haqida tushunchalarga, o`zlari qiziqqan kasblarning o`ziga xos xususiyatlari haqida ham bilib oladi. Bunday natijalarga erishishda umumta’lim maktablari zamon talablariga javob beradigan o`quv-metodik baza bilan ta’minlanib, keng imkoniyatlar yaratilmoqda. Maktab o`quvchilarining bunday imkoniyatlardan foydalanishida albatta, o`qituvchilarning roli juda muhimdir. O`quvchilarga zamonaviy bilimlar berishda mehnat ta’lim o`qituvchilaridan ham chuqur kasbiy-pedagogik bilimlarga ega bo`lishi talab etiladi.