Mamlakatimizda izchil amalga oshirilayotgan kadrlar tayyorlash milliy modelining asosiy g`oyasi barkamol insonni tarbiyalashni nazarda tutadi. Barkamol shaxsning muhim sifatlari bо`lgan mustaqil va ijodiy fikrlash, ishlash qobiliyatlarini tarbiyalash umumiy о`rta ta’lim muassasalarining muhim vazifalaridan hisoblanadi. Milliy modelning markazida shaxs sifatlari turar ekan ta’lim metodlarini shu asosida tanlash va qо`llash ishlarini takomillashtirish hozirgi kunning dolzarb vazifalaridan biridir. Bu borada о`quvchilarning faolligini oshirish, dars va darsdan tashqari mashg`ulotlarni samarali tashkil qilish alohida ahamiyat kasb etadi. Jumladan, umumiy о`rta ta’lim maktablarida о`qitiladigan mehnat ta’limi darslari yoshlarni hayotga, kasb-hunarga tayyorlashda muhim о`ringa ega. Shu sababli keyingi paytda bu sohada ham bir qator ijobiy о`zgarishlar rо`y bermoqda.