O`zbek tilida “ma’naviyat” semali birliklar tahlili mavzusi yangi o`rganiladigan ishlar safiga kiradi. Ma’naviyat tushunchasi boshqa fanlar, jumladan tarix, milliy istiqlol g`oyasi va ma’naviyat asoslari, demokratik jamiyat qurish nazariyasi, jamiyatshunoslik fanlari nuqtai nazaridan o`rganilgan. Ma’naviyat tushunchasi tilshunoslik nuqtai nazaridan esa faqat leksikografik tomondan tahlil qilingan. Bu tahlillarga misol qilib N.Mahmudovning “Komillik kaliti” va “Ma’naviyat” lug`atini ko`rsatishimiz mumkin. Biz o`z ishimizni semasiologik tadqiqotlarga tayangan holda olib borishni rejalashtirganmiz.