Иссиқ иқлим шароитида бино ва иншоотларининг юмшоқ томқопламаларини битум-полимерли ўрама ашёдан лойиҳалаш, барпо этиш ва таъмирлашнинг механизациялашган технологиясини ишлаб чиқиш ва такомиллаштириш бўйича тақдим этилаётган лойиҳани бажаришнинг зарурияти шубҳасиздир, чунки бунда меҳнат харажатлари анча камаяди, меҳнат унумдорлиги ошади ва қурилиш муддати қисқаради. Тадқиқотни бажариш учун “Қурилиш технологияси ва ташкилиёти” кафедраси лабораториясида деярли ҳамма зарур қурилма, асбоб ва ашёлар мавжуд. Лабораторияда экспериментал ишларни давом эттириш учун ҳамма юмшоқ томқопламалари учун стендлар яратилган. Ҳар бир стенд асосий зарур мосламалар, асбоблар ва қопламаларнинг олинадиган таркиблари учун дастлабки ашёлардан ташкил топган. Мазкур тадқиқотни бажариш натижасида ишлаб чиқилган технологияларнинг тавсифлари ва техник-иқтисодий кўрсаткичлари қисқача баён этилади.