Республикамиз иқтисодиётида амалга оширилаётган ислохотларнинг туб моҳияти – аҳоли турмуш фаровонлигини ошириш, ижтимоий –иқтисодий аҳволини тубдан яхшилашдан иборатдир. Шундай экан, аҳолининг ижтимоий турмушининг асоси ҳисобланган турли –туман бинолар ва иншоотларни яратиш, уларга бўлган ранг – баранг ҳуқуқларни давлат рўйхатига олиб бориш, миқдорий ва сифат хисобини юритиш ҳамда қиймат жихатидан баҳолаш, шунингдек, ушбу маълумотларни умумий қабул қилинган тартибда, белгиланган тарзда аниқ бир хужжатларда ёритиб бориш, мамлакатда бугунда шаклланаётган кўчмас мулклар бозорини ушбу ахборотлар билан таъминлаб туриш мухим амалий ахамиятга молик бўлган масалалардан хисобланади.