Маълумки ҳар қандай тарихий обидадан ўз вақтида вазифасига кўра фойдаланилган, кейинчалик сайқалланиб келинган, бузилган бўлса тузатилган; баъзан қайта тикланган. Қадимда тарихийлик хиссиёти ривож топмаган эди. Тарихий обидаларни қайта қуришда кўпчилик усталар эскисини бузиб, янгисини қуришган. Баъзан эски қурилиш ашёси сифатида ҳам фойдаланилган. Тарихий бинолардан обида сифатида асраб авайлаш уйғониш даврида тараққий этди. Бироқ улар бу даврда ҳам етарли даражада қадрланмади. Масалан, Римдаги Колизей биносидан қурилиш ашёси сифатида фойдаланиш фақат XVII асрдагина тўхталилган. Баъзи обидалардан эса ҳамиша фойдаланиб келинган. Масалан, Рим ибодатхонаси Пантеон VII аср бошидаёқ черковга айлантирилди.