Мамлакатимиз мустақилликка эришган дастлабки йиллардан бошлаб чорвачилик тармоғида бозор муносабатларини қарор топтиришга қаратилган кенг кўламдаги ислоҳотларни амалга ошириш бошланди. Тармоқда хўжалик юритиш ва ишлаб чиқаришни ташкил этишнинг иқтисодий, ташкилий, ҳуқуқий шарт-шароитлари ўзгариб, турли мулкчилик шаклларидаги хўжаликларнинг тенг хуқуқли рақобат шароитида фаолият юритишлари таъминланди. Ўтган қисқа даврда деҳқон ва фермер хўжаликлари республикамиздаги бошқа тоифали мулк шаклларига нисбатан ўзининг афзаллигини, устуворлигини намоён этди. Қишлоқ аҳолиси бандлигининг ўсиши, унинг даромади, умуман турмуш даражасини ошириш, ички бозорни гўшт, сут маҳсулотлари билан барқарор тўлдиришнинг муҳим омили сифатида чорвачиликка ихтисослашган деҳқон, фермер хўжаликларининг ривожига ҳукумат томонидан катта эътибор қаратилмоқда.