Диссертация иши 4 та боб, 116 бет компьютер тексти, 45 фойдаланилган адабиётлар рўйхатидан иборат. Олинган натижалар, хулосалар ва тавсиялар муаллиф томонидан ҳозиргача бўлган илмий усуллардан фойдаланиб асослаб берилган. Диссертация тугалланган ва илмий хулосалар берилган илмий-тадқиқот бўлиб, у муаллиф томонидан юқори илмий даражада бажарилган. Олинган натижалар ишончли хулоса ва якунлар билан асосланган. Диссертация ишида таклиф этилган сув қабул қилиш бўлинмасининг оқим йўналтирувчи деворли конструкциясининг юқори иш самарадорлигини эътиборга олиб, уни ишлаб чиқаариш шароитида қўллаш учун биз қабул қилиб олдик ва “Кўк-гумба-I” насос станциясидаги 18НDс насос агрегатига тадбиқ қилдик. Ҳозирги кунда у синовдан ўтказилмоқда. Диссертация иши бир қатор дастлабки маълумотлар, ишлаб чиқариш шароитидаги мисоллар ва ҳисобларга таяниб баён этилган ва расмлар билан изоҳланган. Ишнинг тексти равон тилда ёзилган ва ҳар бир боб бўйича хулосалар келтирилган.