Республикамизда иқтисодий ва ижтимоий соҳаларда олиб борилаётган изчил сиёсат
натижасидаги ривожланиш таълим тизимида ҳам ўқитишнинг янги шаклларни жорий
этишни тақоза этмоқда. Шу сабабли, ахборот-коммуникация технологиялари асосида
таълим тизимини юқори сифат даражасида ташкил этиш ҳозирги куннинг долзарб
муаммоларидан бири ҳисобланади. Ривожланган давлатлар тажрибаси шуни
кўрсатмоқдаки, ҳар бир мамлакатнинг дунёдаги иқтисодий, ижтимоий ва сиёсий
мавқеини, унинг иқтисодий ўсишда асосий омили бўлиб бораётган интеллектуал бойлиги
таъминламоқда. Бу борада мустақиллик йилларида мамлакатимизда қатор тадбирлар
амалга оширилди, жумладан аҳолининг интеллектуал салоҳияти ижтимоий-иқтисодий
тараққиётнинг асосий омилларидан эканлиги ҳисобга олган ҳолда “Таълим тўғрисидаги
қонун” ва “Кадрлар тайёрлаш миллий дастури” қабул қилинди.