G’o’za – g’alla almashlab ekishda organik o’g’itlar qo’llashning g’o’za hosildorligiga ta’siri

Respublikamiz qishloq xo’jaligida paxtachilik va g’allachilik yetakchi tarmoqlar bo’lib, ular davlat buyurmasi asosida yetishtiriladi. Har yili 1,3-1,4 mln. gektar maydonga chigit ekilib parvarish qilinsa, 1,1-1,2 mln.gektar sug’oriladigan yerlarga kuzgi g’alla ekinlari ekilib parvarishlanmoqda. Hukumatimiz barcha choralar bilan paxta va g’alla hosildorligini oshirishga jiddiy e’tibor qaratilmoqda. Urug’lik materiallari, o’g’it, sug’orish suvlari, kimyoviy va biologik himoyalash vositalari, yoqilg’i va boshqa neft mahsulotlari, texnika vositalari va ularning ehtiyoj qismlari hamda ilmiy – amaliy tavsiyalar, uslublar va qo’llanmalar bilan uzluksiz ta’minlab kelmoqda. Shunday bo’lishiga qaramasdan, paxtachilikda yuqori hosil olishga erishilmayapti, hosildorlik gektar hisobiga o’rtacha 25-26 sentnerdan oshmayapti.