Yer resurslarining eng muhim qismi bo`lgan tuproq qatlamidan oqilona foydalanish uning unumdorligini oshiradi va saqlab qoladi. Madaniy tuproqparning unumdorligini har tomonlama oshirib borish amalda qishloq xo`jaligini rivojlantirishning asosiy qonuni bo`lib qolishi lozim.
Dehqon, fermer xo`jaliklari amaliyotida tuproqlar unumdorligini har tomonlama oshirib borish masalasini echish uchun faqat tuproqlarning tabiiy resurslarin ishga solishgagina emas, balki uning sarflangan qismini qaytarish va to`ldirishga asoslanishi kerak. Buning uchun-o`simliklardan yuqori hosil hamda biomassa olishga yo`naltirilgan organik, mineral va organomineral o`g`itlarni, kompostlarni qo`llash, sideratsiya (oraliq ekinlar ekish)ni, almashlab va navbatlab ekishni yo`lga qo`yish zarur. SHular orqali tuproqni organik modda (gumus) ga boyitishga erishiladi.