Qattiq jismlar va ular asosida tayyorlanayotgan asboblar va qurilmalar xalq xo`jaligida va turmushda keng qo`llanilmoqda. Hozirgi energiya tanqisligi davrida quyosh energiyasini elektr energiyaga aylantirishda keng ishlatiladigan yarim o`tkazgichli kremniy elementining foydali ish koeffitsientini oshirish dolzarb masala bo`lib qolmoqda. Yarim o`tkazgichlarning elektrofizik, mexanik va shunga o`xshash hususiyatlarini katta energiyali zarrachalar ( proton, neytron, gamma-zarrachalar va h.k.) ta’sirida o`zgaradi. Bu o`zgarishlarning fundamental fizik asoslari to`la-to`kis o`rganilmaganligi sababli, qattiq jismlardan tayyorlangan asboblarning hususiyatlarini nurlanish ta’sirida o`zgarishini oldindan bashorat qilish muammolari ko’pligicha qolmoqda.