Tuproq unumdorligi va ekinlar hosildorligini oshirish qishloq xo’jaligini samaradorligini yaxshilashdagi asosiy muammolardan biridir. Chunki oxirgi yillarda tuproq unumdorligini va uni asosiysini tashkil qiladigan gumus miqdorini kamayishi kuchayib, bu holat sezilarli bo’lib qolmoqda. Tuproq unumdorligini saqlab qolish hamda gumus holatini yaxshilash va bu orqali qishloq xo’jalik ekinlari hosildorligini oshirish yildan yilga qiyinlashmoqda. Shuning uchun tuproq unumdorligi va gumus miqdori va sifatini pasayish mexanizmi va sabablarini o’rganish va aniqlash muhim masala hisoblanadi. Bu muammolar tuproqdagi mikroorganizmlar faoliyati, mikrobiologik jarayonlar bilan, umuman olganda tuproqning mikrobiologik faolligi bilan bog’liq. Tuproq unumdorligi, havo, oziq va gumus rejimlarining shakllanishida mikroorganizmlar faolligi muhim rol o’ynaydi.