Мавзунинг долзарблиги. Табиий толалардан пахта ва ипак ноноcтруктурали тузилишга эга бўлиб, алмашиб келадиган аморф ва кристалл соҳалардан иборатдир. Бундай толаларнинг яримўтказгич ҳусусиятлари ЎзМУ да аниқланган. Улар ташқи таъсирга-температура, ёруғлик ва намликга сезгирлик ўта юқоридир. Пахта толаларининг фотоўтказувчанлигини ўрганиш, тақиқланган зонадаги электрон ўтишларнинг физикавий механизмини яратишга олиб келaди. Бундан ташқари бундай тадқиқотлар натижасида ёруғлик спектрининг кўзга кўринадиган ва ультрабинафша соҳаларида ишлайдиган фотодетекторлар яратиш имконини беради. Фотоўтказувчанликнинг спектрлари ҳар хил бўлиб, пахта навларига ҳам боғлиқдир. Ҳозиргача пахтанинг «Ғолиб», «Диёр», «L-35» , « Хазина» навларининг йод билан легирланган намуналари текширилган. «Ak-Jura» пахта нави ҳозиргача тадқиқ қилинмаган. Бундан ташқари тақиқланган зонада битта чуқур сатҳ бўлган ҳолатдаги фотоўтказувчанлик спектри ҳисоблаб чиқарилган. Одатда яримўтказгичларни легирлаш натижасида тақиқланган зонада икки ва ундан ортиқ чуқур сатҳлар ҳосил қилинади. Шу сабабли текширилмаган « Ak-Jura » пахта навини фотоўтказувчанлик спектрини ва икки чуқур сатҳли яримўтказгични спектрини назарий ҳисоблаб чиқариш долзарб масалалардан ҳисобланади.