Barcha tirik organizmlar va ularning hayoti asosida hujayra tarkibi va funksiyasi yotadi. Shu jumladan, irsiyat va o’zgaruvchanlikning moddiy negizini ham hujayradan qidirish kerak. Chunki hamma organizmlar hujayralardan tuzilgan. Organizmlardagi hamma hayotiy jarayonlar o’sish va ko’payish, nafas olish va modda almashinuvi hujayra orqali amalga oshadi.
Organizmlar bir hujayrali(sodda jonivorlar-amyoba, infuzoriya, evglena, ba’zi bakteriyalar-kokk, stirilla, tayoqcha va h.k.) va ko’p hujayrali (o’simliklar, hasharotlar, hayvonlar va odamlar) bo’ladi.
Hujayra tuzilishi, rivojlanishi, funksiyasi va undagi modda almashinuvini o’rganadigan fan sitologiya deyiladi. Bu fanning paydo bo’lishi va rivojlanishi mikroskopning kashf qilinishi bilan bog’liq.